EZ ZAITEZ GERNIKARA JOAN, LAUAXETA, 8
EZ ZAITEZ GERNIKARA JOAN, LAUAXETA, 8,
Eusebio Erkiaga, 19??
Ez zaitez Gernikara...
Hara beharko.
Laga egizu, adiskide,
laga biharko.
Hegalots lar dabil haizetan,
borondatea itzi neban
eta hor nabil zorka.
Ez al dozu gomutan
zu ezagutzeko
etorri jatzun
Garzia Lorka?
Etxeko bake ederrean
atxilotu eben
uda maminean,
eta berunez josi;
odol-lits
baratzeko hesi.
Gizon biloiz hari
jantzirik baltzena
eutsoen ezarri.
Halan ixilduko
betiko
gizon txintalaria,
txintazko txintan
txinta haria.
Gizarte batek
garbitu ezin daikean
orban gorria.
Al Andalus-eko Fede
gogortu dabenean,
zer dozu galtzekorik
Gernika aldean?
© EZ ZAITEZ GERNIKARA JOAN, LAUAXETA, 8
| anonimoak |
| mendeak |
| 1 |
| 15 |
| 16 |
| 17 |
| 18 |
| 19 |
| 20 |
| 21 |
| poemen aurkibide alfabetikoa |