| L |
OIA
(1919)
UDAZKEN
(1926)
NESKATX URDIN-JANTZIA
(1927)
BULTZI-LEYOTIK
(1929)
URTE-GIROAK ENE BEGIAN
(1930)
PARISKO TXOLARREA
(1930)
EUSKO BIDAZTIARENA
(1931)
ASABA ZÂRREN BARATZA
(1931)
ETXEKO KÊA
(1932)
IZOTZ-ONDOKO EGUZKI
Xabier Lizardi, 1931
Izotz-ondoko eguzki,
neguaren parre:
olerkariak noizpait
iri goratzarre.
Emeki duk itxaroz
piztu garai-larre:
udaberri-lamiak
larreon batzarre.
Bêtik nator, ibarrak
izoztuta utziaz.
Mendia yaiez dago
urrezko yantziaz.
Aren parrea dadat
irrika biziaz,
gozatua baitu gaur
ezti bereziaz.
Udalênak irria
oi du zoro ozena;
udâk, aragikoia;
udazkenak, bena;
negu-gau ozkarbien
izotz-ondorena
berriz, bakarra duzu:
denetan emeena!
Bai baitator urrundik
Gabonetarako
seme zârra: bidean
elurpe du oro;
etxeko sutondoan
bixkortu ezkero,
ikus aren ezpañen
parre antxa gozo!
Bai baitatza eria
ogean: erio
atzapar itsusia
luzatzen ario:
berbizkunde-berria
maiteak yario:
itzik ezin ta irria
ain ezti dagio!
Sagasti solla lotan,
abar makur nâspil;
zelaiek, orbelpean,
ametsetan Orril;
txori gaxoei aztu
gau latzaren urbil;
aizeñoa lillurak
otxanduta dabil.
Aranak mailka daude
gorantza yarriak;
guzien ondarrean
laño urdin, begiak;
izotz-arnasa, agian,
baititu iguzkiak
zernai tauparazteko
men zoragarriak.
Ezkerralde Orexa,
eskui, Altzomuño;
nonai euskel oiartzun
ortzimugaraño...
Dabesadan, ibarrak
lañotan daudeño!
Dabesagun, lagunok:
geroak ereño!
Aran ta muño gañez
Aralar aundia,
euskotarren zaindari
Mikelen mendia:
koskak elur-dirdaiek
bil ta, dirudia
amets eder mamitu
ortzian geldia.
Yondone goiangeru
garalle goitarra,
gure arazo latza
duk bizi bearra;
artarako, nagusi
dukan Yaun bakarra
ire bidez dotoigu,
damaigun indarra.
* * *
Izotzak estali zun
gure Euskalerria;
mintzo ozenak zabaldu
berbizkun-berria.
Itzal-zokondoetan
lore, izotz-bitxia;
baña gañetaz ari
yauntzen eguzkia.
Izotz-ondo. Neguak
parre eme. Gizadi
larria gallurreruntz,
muñoak malladi.
Gazte sail kementsua
goraño badadi,
izozpetik eguzkik
yare dik Euzkadi!
© Xabier Lizardi
| anonimoak |
| mendeak |
| 1 |
| 15 |
| 16 |
| 17 |
| 18 |
| 19 |
| 20 |
| 21 |
| poemen aurkibide alfabetikoa |