| A | B | C | D | E | F | G | H | I | J | K | L | M | N | O | P | R | S | T | U | V | Z |
ITXARTU, EUSKO ALABEA!
|
GOGO ITUNA Sorne Unzueta, 1932
Oste artean
nagonean,
ingurutzen jat tamala,
mitxeletak
argiari
inguratzen jaken antzaz.
Neu bakarrik
nagonean,
bihotzean jarten jataz.
Kendu ezinak
gomutako
mitxeleta baltzak.
Neu-gogoan,
galdu jatan
maitearen irudiak.
Urratu bai!
Oi! sakondu,
bihotz barruko zauria.
Halan ta be,
nok sinestu?
Gomuta itunen tamala
da, neuretzat
gozo, maite,
atsegin garratz-bakana.
Boaz horreek
bizkor arin
ludi honetako alai bila.
Eurentzako
izan daitela
beheko guzur-atsegina.
Neu bakarrik,
neure gelan,
gurago dot egotea,
neure gelan,
barriztuten
neure gomuta saminak.
© Sorne Unzueta |
|