| L |
AMETSAK AMETS, VI
(1982)
ZURIAN ZON
(1982)
HEAUTONTIMOROUMENOS
(1984)
«AMOUR EN LATÖN FAIT AMORE»
Jon Iñaki Lasa, 1984
I
Ongarri naiz egiatan
saientzat.
Maitemortuetan barrena,
bapateko bidaiaria naiz.
Eta, eikiaren ezpainetarat
igorriren naute
mokobaltzok.
II
Isladetan murgildurik
somatzen zaitut goizero.
Eta, amets hutsetan,
ezerezetan,
iluntzeko itzaletan
aztarren bila abiatu.
Goizero oroitzen zaitut,
eta bila nabilkizu.
III
Igurikaturen nauzula
errain didate.
Eta betiko txokoan egonen zarela.
Eta liliak usaintzen.
Eta ene zain egun osoz.
—Parre eginen didazula ere—.
IV
Egiatan, maitemortuetan barrena
suntsituren naute
mokobaltzok.
© Jon Iñaki Lasa
| anonimoak |
| mendeak |
| 15 |
| 16 |
| 17 |
| 18 |
| 19 |
| 20 |
| 21 |
| poemen aurkibide alfabetikoa |