| B |
BETI ZUTZAZ PENTSATZEN
(1868)
IZAZU NITZAZ KUPIDA
(18)
APAIZAREN KANTAK
(18)
SOLDADU SARTZEA
Indalezio Bizkarrondo, Bilintx, XIX. mendea
Penetan daramazkit eguna ta gaba,
poz bat sentitu gabe, au suerte billaba!
Gosaritzat taloa eta bakallaba,
bazkaitan katilu bat salda ta sei baba,
hamalau jango eta bi sardin afaldu,
batek ez luke hobe sartzia soldadu?
Urrikigarria da nere izaera
goizero nahi ta nahi ez joan behar lanera,
egarritutzen banaiz ura edatera...
Nik orla zer [bentaja] nezake atera?
Ezer sobratu ez ta osasuna galdu,
ez det ondo egingo sartzea soldadu?
Kontuz ibili arren eta juizioan,
inor aberasten ez da ofizioan.
Ni lanakin ibili beti sesioan?
Erremientak norbaiti erdi prezioan
edo kasik debalde ahal banizka saldu,
bihartikan sartuko nitzake soldadu.
Jaunak, adiarazi ez liteke hitzez
zein aspertua nagon honela bizitzez,
beti negarrez eta penetan ibiltzez,
jornal txikiaren truk lanean aritzez;
batek beti honela bizi behar badu,
ez du gaizki egingo sartzea soldadu.
© Indalezio Bizkarrondo, Bilintx
| anonimoak |
| mendeak |
| 1 |
| 15 |
| 16 |
| 17 |
| 18 |
| 19 |
| 20 |
| 21 |
| poemen aurkibide alfabetikoa |