LAN ARREA
Anonimoa, 1937
Tinki-tanka ziarduten
burnikien landolan
agoitzarra irakiten
ijelien zaipean.
Nekazari itulaiña
idiekin goldean
aitzur eta lai zorrotzez
geltzake zelaiean.
Arrantzale saiatuak
itxasora erten du
t'arrantsu-kezka bizian
arraldetik urrindu.
Eguna joan ta etorri
di'enak gentza onean
ai, geroztik pake gabe
gudaren ardallean.
Burdinolak diardute
tinki-tanka, lan-ta-lan,
baita ere izkilkoak
beren lan erailkorran.
Intziria biotzean
gogoan el gogorra,
guztioi azaltzen zaigu
eriotz-mallu sorra.
gaur eun, biar geyago,
etzirako bi milla.
Noraño iritxiko da
dijoen ilotz pilla?
Nere baitari nigatik
ardurarik ez dio,
ilotz bat geiagogatik
munduari zer dio?
| anonimoak |
| mendeak |
| 15 |
| 16 |
| 17 |
| 18 |
| 19 |
| 20 |
| 21 |
| poemen aurkibide alfabetikoa |